नेपालभाषा मनाेरंजन जगतय् ग्वाज्यःचा संकिपाः म्हीता चर्चाय् वःम्ह कलाकार राजु महर्जन जुजु या खुगूगु सफू नृत्यकलाया बःचाहाकलं म्हसीका सफूया पितब्वज्या यलया ज्यापु समाजया हलय् जुल । माननीय बागमति प्रदेश सदस्य एवं पूर्व मन्त्री रामकृष्ण चित्रकारया मूपाँहा सूई, प्राज्ञ नारायण देवी प्रधान व नेपालभाषा केन्द्रीय विभागया प्रमुख डा राजन लाल जाेशीं मंकाः कथं सफु बिमाेचन यानादीगु खः।
नेपालय् लोप जुजु वनाच्वंगु सम्पदायात जर्गेना यायेगु व अर्न्तराष्ट्रिय जगतय् नेपाल लोककला सांस्कृतिक परम्परायात आदान प्रदान यायेगु अले नेपाःयात विश्व समुदायया दथ्वी सास्कृतिक सम्पदाया धनी देय् धकाः परिचय विइगु उद्देश्य ज्वनाः थुगु सफू पिकयाःगु धकाः राजु महर्जन “जुजुं” धयादील ।
राजु महर्जन जुजुं थ्व सिबें न्ह्यः ह्वयाच्वंगु स्वाँ, श्रीकृष्ण भजन संग्रह, ह्वय्त्यंगु स्वा, कोपिला, मंगलकृर्तन पिकयादीधुंकल ।
सफूया सम्पादक नानीहेरा शाक्य खसा ज्याझ्वःया प्रकाशक रत्ममान डंगोलया सभापतित्वय् सम्पन्न जूगु खः।
