केबिएस प्रोडक्शन हाउसया ब्वनाय् नेपालभाषाया निपू म्ये पुलुक्क स्वैम्ह अले जुल रे जुल बोलया म्ये निपू प्रिमियर जुल । निपुं हे म्येय् लोकंह्वाःपिं कलाकार धीरेन शाक्य व भिंतुना जोशीं अभिनय यानातःगु खः ।
जुल रे जुल बोलया म्ये यमन श्रेष्ठ व सविना मानन्धरया सलय् हालातःगु बुद्ध साय्मिया संगीतय् सुरेन्द्र तुलाधरं च्वयातःगु खःससा भिंतुना जोशी व धीरेन शाक्य लिसें सरिता महर्जनया नं अभिनय् दुथ्याः । म्येया निर्देशन बालमुकुण्ड प्रजापतिं यानातःगु खःसा सम्पादन व छायाँकन सैलेश श्रेष्ठ लुभूं यानातःगु खः । अथेहे वरिष्ठ संगीतकःमि रत्न बेहोसीया च्वसा व संगीतय् पुलुक्क स्वैम्ह देवेन्द्रमान सिंह मिना निरौलां सः बियातःगु खः ।
ज्याझ्वःस केबिएस प्रोडक्शनं पिथनाच्वंगु थी थी म्यूजिक भिडियोलय् संलग्न कलाकार एवं प्राविधिक पिंन्त नं मतिनाया चिं देछाःगु खःसा म्यूजिक भिडियो नं क्यंगु खः ।
मन जिगु जुल चंचल (सुरज नापित व गीता सिख्राकार अभिनित), न्हिलेथें न्हिलेथें याना (किरण जोशी व सृष्टि महर्जन अभिनित), मुसुं न्हिलाः (रुपेन्द्र श्रेष्ठ व सृष्टि महर्जन अभिनित), भेट भयो सरिता महर्जनया सलय् व अभिनय् व मिखा मिखाया (किरण जोशी,पल्पसा श्रेष्ठ अभिनित) म्ये नं क्यंगु खः।
ज्याझ्वलय् सप्राइज कथं सरिता महर्जनया थौं हे बुदिं जूगु लिं मंचय् हे केक् ताःगु नं खः ।
