वरिष्ठ सिनेकःमि नीर शाहलं नेवाः त जीवन्त इतिहास जूगुलिं झीगु भिडियोस छुं कथंया कृतिमता आवश्यक मजूगु खँ नेपालभाषाया निपू न्हूगु म्यूजिक भिडियो का रे मय्जु व यः मां जितः ब्याहा याना ब्यू या प्रिमियर कुलादिल ।
नेवाः सभ्यता न्हूगु पुस्तायात हस्ताणतरण यायेगु छगू सशक्त माध्यम संगीत व भिडियो जूगुलिं थुकीयात बिशेष ध्यान बिइमाः धकाः धयादिल । लिसें नेपाः सांस्कृतिक रुपं हे धनी जुसां थीथी जाति बिशेष दुने सांसकृतिक आदानप्रदान म्हो जुगुलिं झी संकुचित जुयाःच्वंगु खँ नं धयादिल ।
वरिष्ठ सिनेकःमि नीर शाहया मू आतिथ्य प्रिमियर जूगु थुगु निगु भिडियो यः मां जितः ब्याहा याना ब्यू राजन शाहीया निर्देशनय् रुपेन्द्र श्रेष्ठ, कृष्णभक्त महर्जन, अनिता ताम्राकार व मेमेपिं कलाकारया अभिनय् दुथ्यानाच्वंगु दु । म्ये यमन श्रेष्ठं हालातःगु खःसा संगीत व च्वसा कृष्णभक्त महर्जनया दु । अथेहे मेगु म्ये कारे मय्जु बाल मुकुण्ड प्रजापतिया निर्देशनय् तयार जूगु म्ये खः । म्येय् रविता बाके, सीताराम माकः, महेश हाडा व अन्य कलाकारया अभिनय दु । थुगु म्ये सुरजवीर बज्राचार्यं च्वयाः हाला तःगु खःसा म्येया संगीत सुरज ब्यंजनकारं तयातःगु खः ।
म्येया लिसें नेपालभाषाया न्हूगु संकिपा धर्मलक्ष्मीया प्रोमो नं सार्वजनिक याःगु खः ।
