नेपालभाषा ख्यलय् छगू इलय् सकृय जुयाः च्वंम्ह तर थःगु ज्याया कारण नेपाः त्वताः वनेमाःगु अय्नं नेपालभाषा ख्यःयात त्वते मफूम्ह नविन महर्जन नेवाः मचाया न्हूगु म्ये ल्याय्म्ह जुयाःवल जिला थौं बोलया म्यूजिक भिडियो सिटिसि मलय् प्रिमियर जुल ।
सुनाकुथिया भजन मण्डलय् सकृय जुयाःच्वंम्ह नविन महर्जन खः । नविन महर्जन छम्ह भिडियो इडिटर, मोडल, वाद्यवादक, गायक व छम्ह मल्टी ट्यालेन्टेड ब्यक्तित्व कथं नेपा टिभिया निर्देशक रामकृष्ण खड्गीं च्वछायादिल सा वरिष्ठ सिनेपत्रकार बिजयरत्न असंबरें नेवाः ख्यः आः झन चकनाः वनाच्वंगु खँ कुलादिल । पाहां प्रकाश साय्मिं थुगु म्यूजिक भिडियोस संस्कार व संस्कृतिं जायाःच्वंगु खँ कुलादिल ।
नविन महर्जन नेवाः मचां हे हालातःगु अले अभिनय यानातःगु थुगु म्यूजिक भिडियोया शब्द कृष्णभक्त महर्जनं च्वयाः अले लयनं चिनातःगु खःसा थुगु म्येया संगीत संयोजन हरिशरण साय्मिं यानातःगु दु ।
म्येया निर्देशन बाबुकाजि जल्मिं यानातःगु खः सा रविन डंगोलं छायाँकन यानातःगु दु ।
