नेपालभाषाया न्हूगु मचा म्ये ‘छंगु ई’ या प्रिमयर किर्तिपुर सिनेप्लेक्सय् जुल। ललेन्द्र शाक्य व राज महर्जनं निर्देशन यानादीगु थुगु म्येया परिकल्पना ललेन्द्र शाक्यं याःगु खःसा विके जल्मीं छायांकन यागु खः अले रजिन महर्जनं सम्पादन याःगु खः । म्यूजिक भिडियोस कलाकार रुपेन श्रेष्ठ थक्वाःमिलिसें सलिना प्रजापति व मचा कलाकार श्रवण महर्जन रोमियोया अभिनय यानातःगु दु ।
‘छंगु ई’ म्ये नांजाःम्ह संगीतकःमि सूर मेलोडी स्टुडियोया सुरेन्द्र श्रेष्ठं रिकर्डिङ व मिक्सिङ यानादीगु खः सा म्येया संगीत संयाेजन जीवित जल्मिं यानातःगु खः । म्ये भुवन महर्जनं हालातःगु खः ।
मस्तय्गु बाल विकास व बाल मनाेविज्ञानय् आधारीत थुगु भिडियाे ज्याेति म्यूजिकया युट्युब च्यानलय् अपलाेड जुयाःच्वंगु दु ।
प्रिमियर शो ज्याझ्वलय् बागमती प्रदेशया पर्यटन, संस्कृति व सहकारीमन्त्री पुकार महर्जन मूपाहाँ कथं झायादीगु खः । ज्याझ्वलय् पाहाँ कथं वरिष्ठ सिनेपत्रकार विजयरत्न असंबरे, किपू नगरपालिका २ वडाया वडानायः रुपेशकुमार महर्जन, किपूया बरिष्ठ संगीतकःमि ज्ञानेश्वर निभाः, किपूया नांजाःम्ह कलाकार लक्ष्मीकुमार महर्जन, किपूया २ वडा द्यःध्वाखाय् च्वंगु इन्द्रायणी परिवार क्लबया नायः मीमकुमार महर्जनया नं उपस्थित जुयादीगु खः । ज्याझ्वः शान्ति महजर्नया सभापतित्वय् जूगु खः ।
