नेपाली संकिपा चिट्ठीया न्हापांगु म्ये “टुटेको तारा” पिदन । माधब राज खरेलं च्वयातःगु व निर्देशन यानातःगु थुगु प्याखंया म्येय् चर्चित पाश्र्व गायक शिव परियारया सः व डा. कृष्णहरि बरालया शब्दरचना दु । थुगु हे म्ये सञ्चारकर्मी लिसें गायक तथा संगीतकार सरोज कोईरालां संगीतवद्ध यानातःगु खः ।
कमेडी संकिपा चिट्ठीया मू भुमिकाय् संजीत भण्डारी, खड्ग बहादुर पुन मगर “खबपु”, गोपाल ढकाल“छन्दे”, नवराज थापा, मुस्कान लामा, कञ्चन चालिसे, प्रवण भुषाल, श्रीदेव भट्टराई पिनिगु मू भुमिका दुसा नम्रता खरेल, रश्मी भट्ट, मोहन निरौला, शान्तिप्रिय, राजन थापा, डेविल सिंह राजपुत, प्रल्हाद खरेल, उद्धव भट्टराई, समिर लामा, पुर्ण राई, पुरुषोत्तम सानु लगायत आपलं कलाकारपिनिगु अभिनयनं दुथ्यानाच्वंगु दु ।
थुगु प्याखं जीवन पराजुली व राजन खरेलं छायाँकन यानातःगु खःसा माधब खरेल व अच्यूत बजगाई जाना सम्पादन यानातःगु खः । कलर संयोजक व भिएफ्एक्स समिर मिँया, म्येया मिक्सिङ लिसें ब्याकग्राउण्ड स्कोरिङ पुस्कर खत्रीं यानातःगु दु । मनोज परियारं प्याखंया साउण्ड मिक्सिङ याःगु खःसा ५.१ साउण्ड मिक्सिङ अमित श्रेष्ठ, श्रृंगार नरेश खरेल, द्धन्द निर्देशन किरण दाहालं यानातःगु खः । अथे हे अमृत चापागाईनं पोष्टर डिजाईन व साहिल खानं पब्लिसिटी डिजाईन यानातःगु दु । प्याखँया साहायक निर्माताकथं अनिता कुँवर, समिर खान व कृष्णादेबी आचार्य दु ।
एरा प्रोडक्सनया ब्यानरय् दयेकुगु थुगु प्याखं चिट्ठीयात संचारकर्मी कमला जोशीं निर्माण याःगु खः ।
