विश्वास बज्राचार्य नेपालभाषाया मनाेरंजन ख्यलय् छम्ह स्येल्लाम्ह निर्देशक कथं न्ह्याेने दं वयाच्वंगु दु । विश्वासया निर्देशनय् आपलं हे नेवाः म्यूजिक भिडियाेत लाकंह्वायेधुंकुगु दु । थ्व हे झ्वलय् विश्वासया निर्देशनय् नेपालभाषाया न्हूगु म्ये ‘ङेङापा झ्यःया दरबार’ म्ये पिदने धुंकुगु दु । ख्वपया ५५ झ्याः दरबार व जुजु रणजित मल्लया मतिना प्रसंगय् केन्द्रीत थुगु म्ये आ युट्युबय् स्वयेगु दु ।
जनकवि दुर्गालाल श्रेष्ठया रचना व न्ह्यू बज्राचार्यया संगीतय् तयार जूगु म्येय् सत्यनारायण मानन्धरया सः दु । १७ औं शताब्दीया नेपाः व भारतया स्वापू प्रतिबिम्बित जुइ कथं निगु देशया प्रेमी प्रेमिकाया विषयलय् तयार यानातःगु म्ये खः । तत्कालीन भारतया बेतिया देशं वःम्ह बृद्धिलक्ष्मी व ख्प देय्या जुजु रणजित मल्लया प्रेम सम्बन्ध, अलौकिक ५५ झ्याःया दरबार व ख्वपया हे थी थी थाय्या बर्णनयाना म्ये च्वयातःगु दु ।
रजनी केसीया निर्माणय् निर्देशक विश्वास बज्राचार्य व सहनिर्देशक विजनराज बज्राचार्य, कर्म व राेजीनाया अभिनय दुथ्यानाच्वंगु दु । म्येय् गाेपाल रसाइलीया संगीत संयोजन दुथ्यानाच्वंगु दु ।
