4SG प्रोडक्सनया ब्यानरय् नेपालभाषाया न्हूगु संकिपा नुग: मिखा चायेकीया मुहुर्त मंसिर १६ गते शनिबार जुल । निर्देशक विश्वास बज्राचार्यं शुभ मुहुर्तयानां नैंक्या तछ्यानां कलाकार सुरज ब्यन्जन्कारं क्लाय्प बियादीगु खः । कलाकार श्यामसुन्दर सुन्दर शिल्पकार , अर्णेस्वरी शिल्पकार व सुरेन्द्र श्रेष्ठं मुहुर्त शट् बियादीगु खः ।
मध्यपुर थिमिको बालकुमारी देगलय् पुजायानां प्याखंया अन्य कलाकार व प्राविधिकपिन्त प्याखंया लेखक, निर्माता तथा निर्देशक शंकर खड्गीं खादां क्वखायेकादिगु खः ।
फिल्मय् मेमेपिं कलाकारकथं मनोज महर्जन, सलोना बज्राचार्य, सुजन बज्राचार्य, हसना महर्जन, चिरिबाबु महर्जन, श्रीजा अवाले, तिर्थ अवाले, अन्नपुर्ण श्रेष्ठ, सुदन श्रेष्ठ, भीमसेन रिसाल, राजाराम भाम, उजय शाहीया मु भुमिका दु ।
शंकर खड्गी, सुरेन्द्र श्रेष्ठ व सुदन श्रेष्ठं मंकाः निर्माण याःगु थुगु प्याखँ “नुग: मिखा चायेकि” खः । प्याखँया छायांकन व सम्पादन अभि शाक्य दु सा उजय शाहीं निर्माण व्यवस्थापकया जिम्मा कयातःगु दु ।
पुष महिनाया न्हापांगु वाः निसें प्याखं फ्लोरय् वनेगु खँ निर्माण पक्षं जानकारी ब्यूगु दु ।
