वरिष्ठ म्येहालामि जुजु काजि रंजितया सलय् नेपालभाषाया छपू पुलांगु म्ये छंगु म्हगः गुलि बांलाः,या भिजुअल नेपाल संवत् ११४४या न्हूदँ खुन्हु पिदंगु दु । मगन इन्टरटेन्मेन्टं निर्माण याःगु थुगु म्ये, आर मानन्धरं थनिं २० ति न्ह्यः हे च्वयाः पिकयाःतःगु खः । नेपालभाषाया मनोरंजन ख्यलय् छगू न्हूगु आयाम शुरु यायेगु कथं मगन इन्टरटेन्मेन्टं म्ये हालामि जुजुकाजी रंजित लिसे म्युजिक भिडियो निर्माणया सम्झौता नं याःगु खः ।
थुगु म्यूजिक भिडियोलय् रस्तिका शाक्य, सुदिप भाजुया अभिनय दु । म्येया संगीत संयोजन राजेश हाडां यानातःगु खःसा थुगु म्येया संगीत गायक स्वयंम् जुजुकाजी रंजितया हे खः । म्येय् आर्ट डाइरेक्शन विक्रम महर्जनं यानातःगु दु। छायाँकन युश ढकाल, निर्देशन सहायक संजीव रत्न शाक्य अले स्क्रीनप्ले, सम्पादन व निर्देशन रजीन महर्जनं यानातःगु दु ।
मगन इन्टरटेन्मेन्टया युट्युब च्यानलय् थुगु म्ये अपलोड जुयाःच्वंगु दु ।
