भीम प्रजापतिया च्वसा व लसय् अले म्येहालामि निशा देसार लिसेया ज्वः म्ये ‘हाकु पर्सि तुयुगु गाचा’ बोलया म्येया म्युजिक ख्वपया कमल बिनायक बेंक्वेटय् पितब्वज्या जुल । आराध्यालक्ष्मी खड्गीया निर्देशन व कोरियोग्राफी दुथ्याःगु थुगु म्यूजिक भिडियोलय् आराध्या लिसें रवि सैंजु म्हितातःगु दु ।
वरिष्ठ सिने पत्रकार विजयरत्न असंबरे मूपाहाँ कथं झायादीगु खः उगु म्युजिक भिडियो पितब्वज्या ज्याझ्वस कलाकार तिपू मणिराज लवट व हिसिला महर्जन, आर्यम नकःमि व राजेशमान सिंह पाहांकथं ब्वनातःगु खः ।
जुगल डंगोलया संगीत संयाेजन दुगु थुगु म्येया छायाँकन साेहन मानन्धर, सनमकुमार श्रेष्ठ, सनम प्रजापति व रुपा मानन्धर मेकअप आर्टिस्त कथं दु । म्येया पितब्वज्या ज्याझ्वः निर्माण पुचःपाखें पुष्कर दुलालया सभानायःसुइ न्ह्याःगु खसा ज्याझ्वलय् आराध्यालक्ष्मी खड्गी, जुगल डंगोल , राजेशमान सिंह, भिम प्रजापति, निशा देसार, हिसिला महर्जन लगायतं म्येयात कयाः नुगःखँ तयादीगु खः ।
