म्येहालामि सुद्धलक्ष्मी श्रेष्ठ व किशोर शाहीया युगल सलय् आँखैमा गाँजल बोलया नेपाली म्येया प्रिमियर किपूया किर्तिपुर सिनेप्लेक्सय् जुल । थुगु म्ये दिपक विवस आँशुं च्वःगु खःसा म्येया संगीत नं वय्कलं हे तयादीगु खः ।
ज्याझ्वलय् मू पाहांकथं चन्द्रागीरि नगरपालिकाया मेयर घनश्याम गिरी, विशेष पाहाँ वरिष्ठ संचारकमि एवं साहित्यकार प्रकाश साय्मि व ज्याझ्वःया सभापतित्व संसार्स ग्रुपया निर्देशक स्वतन्त्र संसार महर्जनं याःगु खः ।
ज्याझ्वलय् मोडल लिला जोशी लसकुस याःगु खःसा निर्देशक राम श्रेष्ठ व म्ये च्वमि दिपक विवस आँशुं नुगः खँ तयादीगु खः । म्येया संगीत संयोजन राजुकार्किं याःगु् खःसा कविराज घटराजं म्येया कोरियोग्राफी याःगु खः।
म्येहालामि सुद्धलक्ष्मी श्रेष्ठया न्ह्यब्वया, थुगु म्येया प्रिमियरया इलय् थः मां अबु लिसें म्ये हालेत उत्पेरणा बियाःच्वंम्ह थः ससःमांयात नं मंचय् तयाः सम्मान याःगु खः ।
