सामाजिक व पारिवारीक संकिपाः तिबः द सपोर्टया पोष्टर छगू ज्याझ्वः यानां सार्वजनिक याःगु दु । येँया काठमाडौं नेवाः किण्डरगार्टेन स्कुलय् छगू औपचारिक ज्याझ्वः नं याःगु खः । थुगु हे स्कुलय् प्याखँया छुं छुं ब्व सुतिंग नं जूगु खः।
निर्माता सरजु रंजित व समिता रंजित श्रेष्ठया मंकाः निर्माणय् तयार जूगु थुगु प्याखँ, ओम शंकर श्रेष्ठया बाखँ व सुशिल राजोपाध्यायया स्कृप्ट दु । प्याखँया छायाँकन अमर चित्रकारं यानातःगु दुसा प्याखँया निर्देशन रवि साय्मिं यानातःगु दु ।
प्याखँया टिजर क्यनेमाःगु इलय् छाय् पोष्टर सार्वजनिक ज्याझ्वः धकाः तइगु न्ह्यसलय् निर्देशक रवि साय्मिं – याकनं हे थुगु प्याखँया टिजर सार्वजनिक यायेत्यनागु व टिजर सार्वजनिक यायेगु निंतिं हे थ्व प्रारम्भिक चरणकथं न्हापां पोष्टर निं सार्वजनिक यायेगु आवश्यक जूगु धकाः कनादिल ।
तिबः प्याखँयात नां कथं हे सकस्यां तिबः ब्यूगुलिं हे थुगु प्याखँ ११ महिनां हे क्वचाःगु खँ नं न्ह्यथनादिल । नेपालभाषाया संकिपाः थथे ११ महिनां हे क्वचाःगु थ्व हे न्हापांगु नेवाः प्याखँ खः धकाः नं मनतुनाय् न्ववाःगु दु ।
प्याखनय् आपालं कलाकार दुसाः मू मूकलाकारपिनिगु किपाः दुथ्यानाच्वंगु खँ नं रवि साय्मिं कनादील ।
