हास्य कलाकार किरण के सिया स्वपू म्युजिक भिडियो छक्वलं पिदन । किरण केसि अतिकं नांजाःपिं मह जाेडी मदन कृष्ण श्रेष्ठ व हरिवंश आचार्यलिसे नापं खनेदयाःच्वंम्ह कलाकार खः । स्वपू मध्य छपू म्ये नेवाः म्ये नं खः । किरण केसिया थ्व न्हापांगु नेवाः म्ये खः । ख्यालिजुजु मदनकृष्ण श्रेष्ठं हे च्वयादीगु व लसय् हनादीगु थ्व म्येया निंतिं जिवित जल्मीं एरेन्ज यानादीगु खः। सुरेन्द्र तुलाधरया निर्देशनय् तयार जूगु थुगु म्येय् किरण केसि लिसें शोभा महर्जनं दु ।
थुगु म्येय् ख्यालिजुजु मदनकृष्ण श्रेष्ठया न्हापा लोकंह्वागु थीथी म्येनं स्वाकाः तःगु दु । ख्यालिजुजु श्रेष्ठया नापनापं सकुना श्रेष्ठ मलेकु, सरिता महर्जन, मन महर्जन, आशा खडका व किरण श्रेष्ठं दु । सोहन मानन्धरया छायाँकन व सम्पादनय् थुगु म्ये गोपालकृष्ण महर्जनं निमार्ण यानादिगु खः।
बहुप्रतिभाशाली किरण केसिं हालादीगु स्वपु म्येया म्युजिक भिडियोयात कयाः थी थी व्यक्तित्व पिंसं नुगः खँ प्वंकादीगु खः। विशिष्ट कलाकार जोडी महया नापं नांजाम्ह हास्य कलाकार व फिल्म निर्दशक दीपाश्री निरौला व मेमेपिंसं म्येया बारे खँल्हानादीगु खःसा कलाकार किरण केसिं सकसितं सुभाय् देछानादीगु खः ।
थुगु म्ये किरण केसिया आधिकारिक युट्युब च्यानलय् दुथ्यानाच्वंगु दु ।
