जेन्क्स मिडिया नेपालया न्ह्यब्वयाय् सुजन ख्वपय्या निर्देशन झिंखुदँ दत बोलया म्यूजिक भिडियोया प्रिमियर यलया एम्बियन्स रेष्टुरेन्टय् जुल । निर्माता एवं म्ये हालामि कृष्ण डंगोल व निशा देशारयम स: दुगु थुगु म्ये नारायण बहादुर महर्जनं लय् तयादिगु ख:सा म्येया संगीत संयोजन सुमन कपालिं यानादिगु ख: । म्येया बोल मदुम्ह विक्रम शाक्यं च्वयादिगु ख: ।
ब:चाहाक:गु अनौपचारिक ज्याझ्व: याना प्रिमियर या:गु म्यूजिक भिडियोया बिषयलय् वरिष्ठ सिने पत्रकार बिजयरत्न असंबरें कलाकार एवं प्राविधिक पिन्त दसि पौ ल: ल्हा:गु ख: । ज्याझ्वलय् नवा:सें बिजयरत्न असंबरें कृष्ण डंगोलया सांगितिक यात्रा न्ह्यानाच्वंगु बांला: लिसें हरेक न्हुगु कुत:लय् छुं नं छुं सुधार जुया: च्वने हे मा: धका: समिक्षा यानादिल ।
म्युजिक भिडियोलय् मनोज महर्जन व नेरिशा महर्जनया हिट जोडीया अभिनय दु । म्येया छायाँकन मोहन कुमार झिल्लुं या:गु ख:सा सम्पादन अनिल कुमार महर्जनं या:गु ख: ।
