निक्वःगु नेपालभाषा स्टार म्युजिक भिडियो अवार्ड २०७९ या उत्कृष्ट १० नामांकनय् दुथ्याःपिन्त दसिपौ व मेडल लःल्हाःगु दु । शनिवार कीर्तिपुरया कीर्तिपुर सिनेप्लेक्सय् छगू बिशेष समारोह यानाः दुथ्याःपिं सकलसित लःल्हाःगु खः ।
मुक्कं ३२ विधाया टप टेनय् दुथ्याःपिं ३ सय २० नामांकनयात थुगु क्षत्रय् बिशेष योगदान बियाच्वनादिपिं प्रकाश सायमी, विजयरत्न तुलाधर, जय श्रेष्ठ, पूर्व मेयर रमेश महर्जन लिसें मेमेपिं लगायतं प्रमाणपत्र वितरण याःगु खः ।
प्रेमा संसार महर्जनं लसकुस याना न्ह्याकादीगु ज्याझ्वलय् विराजकाजी राजोपाध्यायनं ज्याझ्वः न्ह्याकादीगु खः । मुक्कं दुथ्याःगु ८५गू म्यूजिक भिडियोया क्लिप दयेका क्यंगु खः । थीथी क्याटेगोरी उत्कृष्ट १०गू नामांकन दुथ्याकातःगु खःसा नामांकन कथं ३२ विधाय् युट्युब च्यानल (डिजिटल पार्टनर), श्रृंगार, भेषभुषा, गीत रचनाकार, संगीत संयोजन, संगीतकार, रेकर्डिंग स्टुडियो, भिडियो रंग समिश्रण, भिडियो सम्पादन, फोटोग्राफर, छायाँकन, पोष्टर डिजाइन, निर्माण व्यवस्थापक, नृत्य निर्देशक, नवोदित गायिका, गायिका, बहुधार गायक, उदीयमान गायक, नवोदित गायक पुरुष, गायक, नवदित मोडल (महिला), मोडल(महिला), नवदित मोडल, मोडल, चरित्र भुमिका, परिकल्पना÷कला÷सह निर्देशक, उदीयमान निर्देशक, निर्देशक, कम्पनि, म्यूजिक भिडियो, धार्मिक तथा देशभक्ति व प्रवासी कलाकार दुथ्याकातःगु खः ।
थुगु हे अवार्डय् संसार सप्तरंगी कला सम्मानं धोषणा यायेधुंकुगु दु । थुगु सम्मानं रत्न वेहोसी, मनराजा नकःमि, नगिना जोशी, सुशिल राजोपाध्याय्, पवित्र कसाः, गोविन्द ह्युमत व रामकृष्ण खड्गीयात नं सम्मान यायेत्यंगु दु ।
संसार्स क्रियशन नेपालया क्रियटीभ डाइरेक्टर स्वतन्त्र संसार महर्जनया संयाेजकत्वय् थुगु अवार्ड जुइत्यंगु खः ।
