स्वंगू दशक निसें संगीत ख्यलय् मद्दिक्क पलाः न्ह्याकाच्वनादीम्ह वरिष्ठ संगीतकार जूगल डंगोलयात लू निभाः बाल सरोकार समूह पाखें सम्मान लः ल्हाःगु दु । ताः ई निसें संगीत क्षेत्रय् वय्कलं मचा म्येयात नं प्राथमिकता बियाः संगीत रचना यानादीगुलिं उगु संस्था पाखें ‘लू निभाः सम्मान २०७९’ लः ल्हाःगु खः ।
राष्ट्रिय सभा अध्यक्ष गणेश प्रसाद तिमिल्सिना व मानव अधिकारवादी गौरी प्रधानं जूगल डंगोलयात थुगु सम्मान लःल्हाःगु खः ।
जुलल डंगोलं संगीतया थी थी विधा मध्य मचा म्ये जक सच्छिपु मल्याक्क म्येय् संगीत तयेधुंकुगु दु । ज्याझ्वलय् जुगल डंगोलया शब्द संगीतय् अलोन्सा डंगोलया सलय् लुनिभाः म्ये नं बिमोचन याःगु खः ।
