पेजथ्री बाःछिपौया ग्वसालय् स्वक्वःगु पेजथ्री सेलेब्रेटी फुटसल ११४३ कुमारी फुट्सल, पकनोजोलय् क्वचाल । नेपालभाषाया नांजाःपिं कलाकार, पत्रकार लिसें थी थी व्यक्तित्वपिनिगु सहभागिताय् थुगु फुट्सल कासा जूगु खः ।
फुट्सल कासय् राजुमानन्धर, विजय श्रेष्ठ, राजी महर्जन, सुरेन्द्र श्रेष्ठ, विजय मान सिंह, नविन थेच्वमि, जेम्स प्रधान, अन्जन श्रेष्ठ, नील शाक्य, राजेन्द्र डंगोल, अनुप सिंह सुवाल, सत्य महर्जन, रवि साय्मी, सुरेन्द्र महर्जन, सज्जु मानन्धर, बिन्दे महर्जन, रामकृष्ण खड्गी, बाबुकाजी जल्मि, देवकुमार श्रेष्ठ, किशोर चिपालु, सजीव शाक्य, फिरोज राजोपाध्याय्, सुरेन्द्र मान्धर लिसें मिसा कलाकार कथं सुनिता ठाकुर श्रेष्ठ, लसता जोशी, मनरा प्रजापति, रविना तुलाधर, प्रेमा संसार महर्जन, रोजीना सुवाल, कल्पना बज्राचार्य, आराध्य लक्ष्मी खड्गी, रोजी डंगोल श्रेष्ठ, रत्न शोभा महर्जन लिसें आपलं मेपिंनिगु सहभागिता दुगु खः ।
पुचः कथं थुकी ह्याउँगु, म्हासुगु, वाउँगु व वचुगु टिम दुथ्याःगु खःसा मिसा टिमय् नं म्हासुगु व ह्याउँगु टिम दुथ्याःगु खः । मुलरुपं नेसं ११४३ न्हूदँया लसता ज्याझ्व, विश्वकपया माहौल व कलाकारपिनिगु उसाँय् बारे ध्यान बिइमाःगु खँयात कः घानाः थुगु कासा यानागु खँ पेजथ्री सेलेब्रेटी फुटसलया संयोजक दर्शनवीर शाक्यं कनादीगु खः । थुकीया निंतिं नयाँ बजाः स्थीत करुणा सिटी क्लिनिकया ग्वाहलिइ उपस्थीत कलाकारपिनिगु उसाँय जाँच नं याःगु खः । फुट्सल कासाय् आयोजक व प्रायोजक टिमया नं कासा जूगु खः ।
कासाय् ब्वतिकाःपिंत न्हूजः गुथिया नायः सुर बहादुर श्रेष्ठं मेडल व ग्वाहलि याः पिन्त दसिपाै लःल्हानादीगु खः । ब्वति काःपिं मध्य न्याम्हेसित गाेला प्रथा पाखें करूणा सिटी क्लिनिक पाखें हेल्थ चेकअप प्याकेज नं सिरपाः लःल्हाःगु खः ।
फुट्सल कासा च्यानल ए सि इ पाखें लाइभ नं जूगु खः ।
