पेजथ्री बाःछिपौया ग्वसालय् पेजथ्री सेलेब्रेटी फुटसल जुइत्यंगु दु । वइगु पौष २ गते कुमारी फुटसलय् स्वक्वःगु पेजथ्री सेलेब्रेटी फुटसलया जुइत्यंगु खः । थ्व सिबें न्ह्यों नेसं ११३६ व ११३७य् पेजथ्री सेलिब्रेटी फुटसल कासा जुइ धुंकुगु खः । नेपालभाषा ख्यलय् मद्दिक्क योगदान यानाच्वंपिं न्हूपुस्ता व पुलां पुस्तायात कःघानाः थुगु कासा न्ह्यानाच्वंगु खः । थुगु कासां मनोरंजन लिसें कलाकारया स्वास्थ्य चिन्तन जुयाःच्वने माः धैगु आज्जुं न्ह्यानाच्वंगु खः ।
तःधंगु टिम मयाःसे मुक्कं ४गु टिम मिजंतय्गु व निगु टिम मिसातय्गु यानाः नकआउट चरणय् मुक्कं ५गू कासा म्हितकेत्यंगु खः । विश्वकपया मौसमय् नेवाः कलाकर दुने नं फुटबल म्हितेगु मनसुवाःयात पेजथ्री सेलिब्रेटी फुटसलं पुवंकीगु विश्वास याये फइ ।
पेजथ्री फुटसल ७२ सालया भुखाय् ब्वयेधुंकाः नेवाः कलाकार दथुइ दकलय् न्हापांखुशी याःगु खः ।
पेजथ्री बाःछिपौ पाखें दकलय् लिपांगु ज्याझ्वः कथं पेजथ्री पिपल्स च्वइस अवार्ड ११४२ याःगु खः ।
पेजथ्री पाखें नेवाः कलाकारपिंत तिबः बिइ कथं मद्दिक्क ज्या यानाच्वंगु दु । थ्व हे झ्वलय् पेजथ्री फुटसलया अवधारणा कथं कासामिपिंत छुं कथंया शुल्क मकाःसे थुगु क्षत्रय् थःगु अमुल्य ई बियाःच्वंपिं कलाकार, पत्रकार व थी थी व्यक्तित्वपिंत ब्वनां म्हितकाच्वंगु खः ।
थ्व हे झ्वलय् ब्वतिकाःपिं कलाकारपिनिगु उसाँय् जाँच नं याना कलाकारपिंत छुं समस्या दुसा सचेतनं याइगु दु । थुकीया निंतिं करुणा सिटी क्लिनिक लिसे सहलह यानाः थुगु ज्याखँ न्ह्या न्ह्याकेत्यंगु खः ।
थुगु कासा च्यानल ए सि इ लाइभ नं जुइ । न्हिनसिया १ बजे निसें ।
