प्रतिनिधि सभाः व प्रदेश सभाया चुनाव लिसें विश्वकप फुटबल नं न्ह्योने वयाच्वंगु इलय् मिखा प्रोडक्शन, रत्न शोभा महर्जन व कुटुम्भ जाना नेपाःपाखें विश्वकप म्ये मिखा प्रोडक्शनया युट्युब च्यानल पाखें पिदंगु दु । नेवाः, अंग्रेजी व खस स्वता भासं हे हालातःगु थुगु म्यें विश्वकप २०२२या निंतिं रोर फरएभर नां दुथ्याःका पिथंगु दु ।
विश्वकपय् नेपाः दुथ्याके मफूसां नेपालय् विश्वकपया क्रेज तसकं हे आपाः दुगु खँ सकस्यां हे स्यु। रोर फरएभर बोलया म्ये निरज महर्जन, क्रिश शाक्य व दिबेनमुनी बज्राचार्यं च्वःगु खःसा म्ये हालामी कथं थुकी रत्नशोभा महर्जन, दिवेन मुनी बज्राचार्य, क्रिश शाक्य, सुदेश महर्जन व निरज महर्जनया सः दु । थुगु म्येया कम्पोजर दिवेन मुनी बज्राचार्य व रोचक महर्जन खःसा संगीत संयोजन दिवेन बज्राचार्यं यानातःगु दु । बाजंलय् नेपाःया नांजाःगु ब्याण्ड कुटुम्बं पुचलं साथ बियाच्वंगु दु । लिसें सारंगिइ प्रिन्स नेपाली व आर्जुं साथ बियाच्वंगु दु ।
मनमोहक भिडियोस कोरियोग्राफी निर्जला महर्जनं यानातःगु दु । सम्पादन व निर्देशन निरज महर्जनं यानातःगु दुसा भिडियोग्राफी ABZMA व निरज महर्जनं यानातःगु दु ।
