नेपालभाषाया लोकंह्वाःम्ह कलाकार स्वतन्त्र संसार महर्जन ताः ई लिपा खस भाय्या म्यूजिक भिडियो पाखें हाकनं खनेदयेकः वःगु दु । शारीरिक आशक्तताया बावजूद कलाकार स्वतन्त्र ताः ई निसें हे नेपालभाषाया मनोरंजन ख्यलय् तसकं हे सकृय जुयाच्वंगु खःसां सिने पर्दाय्नं आ हाकनं खंकः वःगु दु । संसार क्रियशन्स नेपालपाखें निर्माण याःगु ‘नजाउ टाढा क्षितिजमा’ बोलया खस नेपाली भाषाया म्युजिक भिडियो किर्तिपूर सिनेप्लेक्सय् प्रिमियर याःगु खः । दिपक विवश आँसुं च्वःगु थुगु म्ये कल्पना श्रेष्ठं सः बियादीगु खः अले लय् मञ्जु नकःमिं चिनातःगु खः थुगु म्येया संगीत संयोजन बुद्ध साय्मिं याःगु खः ।
म्युजिक भिडियोलय् स्वतन्त्र ‘संसार’ महर्जन व शोभा महर्जनया नापनापं संम्बत संसार महर्जन दुथ्यानाच्वंगु दु । छायाँकन व सम्पादन सोहन मानन्धरं याःगु खःसा मेक अप जीवन पासां याःगु खः ।
म्युजिक भिडियोया निर्माता प्रेमा संसार महर्जन खःसा, संगीता गुरुङ व वीरबल रोका क्षेत्री खःसा थुकिया परिकल्पना र निर्देशन स्वतन्त्र ‘संसार’ महर्जनं यागु खः ।
ज्याझ्वलय् संसार क्रियशन्स नेपालपाखें हे निर्माण याःगु वेब सिरिज ‘सौभाग्य’या प्रोमोया नं पितब्वज्या जूगु खः ।
