पेजथ्री पिपल्स च्वइस अवार्ड ११४२या उत्कृष्ट निर्देशकया सिरपा त्याकादीम्ह विश्वास बज्राचार्यया निर्देशनय् न्हूगु म्यूजिक भिडियो लिफः लिफः पिदंगु दु । न्हूगु हे सवाः व न्हूपिं कलाकार मुंकाः तसकं हे महत्वकांक्षिरुपं निर्माण यानातःगु थुगु म्यूजिक भिडियो ज्योति रेकर्डस्या युट्युब च्यानलय् प्रिमियर जूगु खः ।
पुस्कर प्रजापतिया परिकल्पनय् तयार जूगु थुगु म्यूजिक भिडियोया खँग्व, संगीत पुस्कर प्रजापतिं हे तःगु खः। थुगु म्येया संगीत संयोजक फिरोज बज्राचार्य खः । थुगु म्ये आशिष भडेलं हाःगु खः । म्येया कोरियोग्राफि राजीप बज्राचार्यं व उपासना शाक्यं याःगु दु । थुगु म्येया छायाँकन सोहन मानन्धर व अभिषेक शाक्यं याःगु खः ।
म्ये कलाकार कथं सुधीर श्रेष्ठ, किरण जोशी व अनुज शाक्य लिसें रिम्सा श्रेष्ठ, विसुम राज शाक्य, रुक्साना महर्जन, श्रृजा अवाले व सोनिया तण्डुकार दु ।
