मगन ईन्टरटेनमेन्टया ब्यानरय् नेपालभाषया म्यूजिक भिडियो “व मनू सू मनू?” असार २० गते कीर्तिपुर सिनेप्लेक्स कीर्तिपुरय् प्रिमियर यायेत्यंगु दु । थुगु म्यूजिक भिडियोया निर्देशन व छायांकन रजिन महर्जनं याःगु खःसा किपू नगर दुने हे थुकीया सुटिंग याःगु खः ।
भुवन महर्जनया शब्द संगीत व राजेन्द्र डंगोलया सलय् थुगु म्ये दयेकुगु खः । थुगु म्येया संगीत संयोजन सुरेन्द्र महर्जनं याःगु खः ।
म्ये यात जिवन्त यायेगु निंतिं थुकी किपूया नांजाःम्ह कलाकार लक्ष्मी कुमार महर्जनया मू भुमिका दु । निर्माण नियन्त्रणय् पवन प्याकुरेलं यागु थुगु म्यूजिक भिडियो मगन ईन्टरटेनमेन्टया युट्युव च्यानलं सार्वजनिक यायेत्यंगु दु ।
