नेपालभाषाया बहुप्रतिक्षित संकिपा कर्मया प्रिमियर शनिवार गुण सिनेमा हल ग्वार्कोय् जुल । थुगु हे दिननिसें कर्मया नियमित शो नं जुयाच्वंगु दु । रामकृष्ण खड्गीया स्क्रीनप्ले व निर्देशनय् निर्माता दिजेन्द्र शाक्यया थुगु प्याखँ न्हापा हे क्यनेत तयारी दुगु खःसां कोभिडया कारण प्याखँ प्रदर्शनयायेगु लिज्यानाच्वंगु खः ।
गुण समूहं निर्माण याःगु थुगु प्याखनय् ख्यालि जुजु मदनकृष्ण श्रेष्ठ, कर्म, आशिष्मा नकःमि, नारायणदेवी प्रधान, यमन श्रेष्ठ, कृष्णभक्त महर्जन, लुनिभाः तुलाधर, वत्स शाक्य, अन्नपूर्ण श्रेष्ठ, रजनी खड्गी लिसें आपलं कलाकार दुथ्यानाच्वंगु दु।
लुजः सिंहया छायाँकन, वालकृष्णवंशीया सम्पादन, पाशर््व संगीत व सह निर्देशक राजन शाही अले श्रृंगारय् उमिशा पाण्डेया दु । न्हापा न्हापा थें हे थुगु प्याखँया निर्देशक रामकृष्ण खड्गीं थुगु प्याखँ पाखें मुंगु ध्यबा बौद्ध विहारयात प्रदान यायेगु खँ कंगु दु ।
