नेपालभाषाया संगीत ख्यलय् न्हू प्रतिभा कथं पिलुवयाच्वंम्ह सज्जु मानन्धरया म्ये सुथय् लुमनि छन्त बोलया म्ये पिदंगु दु । पर्फोमेन्स भिडियोया कन्सेप्टय् दयेकातःगु थुगु भिडियोस सज्जु मानन्धरं थःत न्ह्यब्वयातःगु दु । म्येया खँग्वः वय्कया दाजु राजु मानन्धरं च्वयादीगु खःसा म्येया लय व संगीत संयोजन जुगल डंगोलं यानातःगु दु ।
पर्फोमेन्स भिडियोस लिड गीटारय् खगेन्द्र गुरुङ्ग, त्रिजुङ्ग बस्नेत, पर्कुसनिस्ट कथं लक्ष्मी प्रसाद डंगोल दु । म्येया छायाँकन निशा पौडेल खःसा, सम्पादन निशान घिमिरें याःगु दु ।
