मनोरंजनया इतिहासय् नेवाःतय्गु स्थान न्ह्याब्लें हे च्वये लानाच्वंगु खः । नेपाःया न्हापांगु प्याखँया कलाकार जुइमा, वा नेपालभासाया न्हापांगु सेलुलोइड प्याखँ सिलु हे जुइमा, नेवाःत न्हापां निसें थःगु उपस्थीति न्ह्यब्वयाच्वंगु जाती खः । थौंया इलय् नं व्यवसायिक मनोरंजन क्षेत्रय् नेवाःत गाक्कं दु तर विडम्बना छु धाःसां इपिं आःयागु नेपालभासाया मनोरंजन क्षेत्रय् संलग्न जुयाच्वंगु मदु । थौंया इलय् नेपालभाषाया मनोरंजन क्षेत्रय् टेक्निकल पक्ष तसकं कमजोर जुयाच्वंगु वाः चाया वइ सा बांलाःपिं टेक्निसियनया कमि नं खने दु । थौंया इलय् नेवाःतय्सं संख्यात्मक रूपं आःपाः हे सामाग्री उत्पादन यानाच्वंगु खंके फइ ।
जिं मनोरंजन क्षत्रय् निगु दशक सिबें आपाः ई बिइ धुन । म्यूजिक भिडियो निर्माण लिसें च्यानल नेपालय् नेवाः ज्याझ्वः न्ह्याकाच्वनागु खः । तर नं गुणस्तर या ल्याखं न्हापा गुगु कथंया मनोरंजन सामाग्री उत्पादन जुइ व कथंया जुयाच्वंगु मदु । जितः ताः सक्षम जनशक्ति नेपालभाषाया मनोरंजन क्षेत्रय् आवश्यक दु । थौं यक्वसित ताः कि नेवाः दर्शकपिंत सिमित रूपं जक सामाग्री ब्यूसा गाः यक्व मेहनत याये म्वाः । केवल नेवाः प्याखँ, नेवाः म्यूजिक भिडियो, नेवाः प्याखँ दुसा गाः । थुगु सोचं पिहां वयाः झीसं गुणस्तरयुक्त सामाग्रीया निर्माण यायेमाःगु अवस्था दु ।
नेपालभाषाया मनाेरंजन ख्यःया यथास्थीति छिं गथे खंका दिया ? न्ह्यसःया लिसः ब्युसें मनाेज रत्न शाही (फोटोग्राफर)
