निम्ह तिपु सुमित्रा महर्जन व बीरेन्द्र महर्जनया ज्वम्ये स्वरे छंगु मतिनां स्वत्तुमतु स्वगु नुगः म्यूजिक भिडियोया प्रिमियर यलया एम्बियन्स ३६५य् जुल । कलानिधि संगीत महाविद्यालयया कजि धनबहादुर गोपालि मूपाहाँ कथं झायादीगु थुगु ज्याझ्वलय् म्येहालामि सुमित्रा महर्जनया मां व बा बसुदेवी व बेखानारायण महर्जनया सभापतित्वय् न्ह्याःगु खः । वरिष्ठ सिने पत्रकार विजयरत्न असंबरे व वरिष्ठ म्येहालामि संगीता शाक्य विशेष पाहाँ कथं झायादीगु खः ।
भिडयो पितब्वज्याय् भिडयोया निर्माता अोम प्रकाश महर्जनं लसकुस यानादीगु खःसा म्येहालामि सुमित्रा महर्जनं सुभाय् देछाना दीगु खः ।
थुगु म्ये नांजाम्ह संकिपामि सुरेन्द्र तुलाधरं च्वयादीगु खःसा नांजाम्ह एरेन्जर एवं रेकर्डिस्ट व संगीतकःमि सुरेन्द्र श्रेष्ठं लसय् हनादीगु खः । थुगु भिडियाेया निर्देशन रामकृष्ण खडगीं याःगु खः । भिडियोया छायाँकन रकि महर्जन, सम्पादन बालकृष्ण बंशी खः ।
थुगु म्येय् सरिता बज्राचार्य, किरण जोशी व निभा डंगोलं अभिनय यागु दु ।
म्ये हालामि सुमित्रा महजर्न लिसें माेडल निभा डंगाेल निम्हं येँ महानगरपालिकां न्ह्याकाच्वंगु स्थानीय विषय ब्वंकेत शिक्षण सहायकया रूपय् आवद्ध जुयाच्वनादीगु दु ।
