इन्द्रेणी सांस्कृतिक समाज (इसास)या प्यक्वःगु दँ मुज्या २०७८ मंसीर ४गते सम्पन्न जुल । ज्याझ्वलय् मू पाहाँकथं नारायण भक्त श्रेष्ठ (रायन)पाखें त्वाःदेवाः च्याका ज्याझ्वःया उलेज्या यानादीगु खः । गुज्ये मालाकारं न्ह्याकादीगु ज्याझ्वलय् उपाध्यक्ष दिलिप महर्जनं लसकुश यानादीगु खः । इसासया नायो भाजु वीर प्रसाद भन्सारीया नायोसुइ न्ह्यागु सभाय् सल्लाहाकार कलाकार बदन शर्मा, सल्लाहकार श्याम श्रेष्ठ अले प्रमुख अतिथि नेपाल संगीत तथा नाट्य प्रज्ञा प्रतिस्थानया कुलपति रायनं भिंतुना मन्तव्य तयादीगु खः । ज्याझ्वलय् नायो वीर प्रसाद भंसारीं प्रगती विवरणनं पेश यात ।
