नेपालभाषाया म्ये छंगु लँ स्वैच्वंगु मिखा हालादीम्ह कल्पना श्रेष्ठं इपिक नेपाल म्यूजिक एवार्डय् उत्कृष्ट गायिकाया अवार्ड त्याकादिल । अथेहे हरि सुन्दर लाखे थुगु हे अवार्डय् उत्कृष्ट मिजं म्ये हालामि जुयादील ।
मध्यपुर नगरपालिकाया सहकार्यय् जूगु थुगु अवार्ड थिमिया बाेडय् स्थीत कुमारी पार्कय् जूगु खःसा मू पाहाँ कथं मध्यपुर थिमिया मेयर मदन सुन्दर श्रेष्ठ झायादीगु खः । खस नेपाली भाय्या म्य अवार्ड खःसां थुकी नेपालभाषाया म्ये नं दुथ्याकुगु खः । नेपालभाषाया दुथ्याःगु म्ये कथं कल्पना श्रेष्ठया छंगु लँ स्वैच्वंगु मिखा म्ये हाला उत्कृष्ट मिसा सः त्याकादीगु खः । थुगु म्ये जुगल डंगाेलं संगीत संयाेजन याःगु खःसा म्ये बिजय कायस्थं संगीत तयादीगु खः म्ये दर्शनवीर शाक्यं च्वःगु खः ।
अथेहे मिजं सःलय् हरिसुन्दर लाखे उत्कृष्ट मिजं सःया अवार्ड त्याकेत ताः लाःगु दु । भगवान खः मां बाः बाेलया म्ये रत्न बेहाेसिं लय् चिनादीगु खःसा सुरेन्द्र श्रेष्ठं संगीत संयाेजन याःगु खः । थुगु म्ये हरिसुन्दर लाखें हे च्वःगु खः ।
