संसार दुने अनेक कथंया सुखदुःखत दयाच्वनी, अले दुःखया निवारण व सुखःया अनुभूति यायेगु नं यक्को लँपु दयाच्वनी । दुःख छाय जुइ, सुःख गनं प्राप्त जुइ धैगु महामानव गौतमबुद्धया दर्शनयात लिधंसा कया बरिष्ठ म्येच्वमि संघरत्न शाक्यं च्वःगु दुःख दुःख म्येया म्यूजिक भिडियाे पिदंगु दु । मिनर्वा शाक्य(बज्राचार्य)या सलय् रेकर्ड जूगु विरेन शाक्यया लय व संगीत संयाेजन दुथ्यानाच्वंगु दु ।
https://www.youtube.com/watch?v=7UAyNR0JtYs&t=3s
थुगु म्युजिक भिडियाेया निर्देशक व परिकल्पनाकार रवि सायमि खःसा भिडियाे सम्पादनं रवि साय्मिं हे याःगु खः । थुकीया छायाँकन भवानी शिलाकारं यागु खः । सोनाली शिल्पकारं समाः यायेगु ज्या यानादीगु थ्व म्ये संकिपाय् नांजाःपिं कलाकार सबिन शाक्य, श्यामसुन्दर शिल्पकार, अर्णेश्वरी शिल्पकार, रबिना शाक्य पिन्सं म्हितादीगु दु ।
“दुःख दुःख सकसित दुःख”या भिडियो म्ये संकिपाःया पिथना ज्याझ्वः पूर्व राजदूत डा. अन्जान शाक्यया मूपाहाँसुइ आइतवाः येँया विशालबजारय् च्वंगु बेन्टाे लाउन्ज एण्ड बारय् जूगु खः ।
