बिस्वास बज्राचार्यया च्वसाँ पिदंगु म्ये “स्वाँ छुना कल: ज्वना”या म्युजिक भिडियो पिदन। लक्ष्मी पुजाया दिनसं थुगु म्युजिक भिडियो ज्योती म्युजिकया अफिसियल युट्युब च्यानलं पिदंगु ख: ।
म्ये हालामि अमोघ वीर बज्राचार्यं हाःगु थुगु म्ये अर्टोम्युज रेकर्डिङ स्टुडियो रिकर्ड जुगु थुगु म्येयात जुगल डंगोलं संगीत व एरेन्ज यानादिगु ख: ।
म्युजिक भिडियोस न्हुगु ख्वाः कथं नलिना शाक्य व मिजं मोडेल कथं म्येहालामि अमोघ वीर बज्राचार्यं म्हितादिगु ख: । सहायक मोडेलपिं रुक्साना महर्जन व अलिशा पाठकपिन्सं वयकपिन्त साथ बियादिगु ख:सा बाल कलाकार राजवी बज्राचार्य जुयादिगु ख: । राजिव बज्राचार्य कोरियोग्राफी यागु थुगु म्युजिक भिडियोलय् पुजा शाहीं याःगु ख:सा स्वेता शाक्य वस: स्टाईलिष्ट जुयादिगु ख:।
ज्योती म्युजिकं निर्माण यागु थुगु म्युजिक भिडियोयात अभिषेक शाक्यं क्यामेरा, आकृष्ट शाक्य क्यामेरा डाईरेक्टर/सम्पादन व बिजनराज बज्राचार्यं भि एफ एक्स यागु ख: । थुगु म्युजिक भिडियोया सहायक निर्देशक गायक मंजिक शाक्य जुयादिगु ख:सा परिकल्पना/निर्देशक बिश्वास बज्राचार्यं याःगु ख: ।
