नेपालभाषाया कला व संकिपाख्यलय् नांजाम्ह संकिपामि सुरेन्द्र तुलाधरया म्ह्याय् इभेन्जिला तुलाधरं म्यूजिक भिडियाे ख्यलय् डेब्यू याःगु दु । इभेन्जिलाया न्हापांगु पलाः कथं पिदंगु बल्छि तया जिगु मन बोलया म्येया म्युजिक भिडियो मोहनीया लसताय् कुछीभ्वय् खुन्हु पितब्वज्या याःगु खः ।
कोरोनाया जोखिमयात ध्यानय् तया म्होजक मनूं दथुइ जुउगु उगु भिडियो पितब्वज्या इभेन्जिलाया बा एवं संकिपामि सुरेन्द्र तुलाधरया सभानायसुइ जुगु खः । ज्याझ्वलय् यल वडा १६ या वडा अध्यक्ष नांजाम्ह म्येच्वमि निर्मलरत्न शाक्य मूपाहाँ कथं झायादीगु खःसा नेपालभाषाया न्हापांम्ह म्युजिक भिडियो निर्देशक विजयरत्न असंबरे विशेष पाहाँ कथं झायादीगु खः ।
म्येया मोडल इभेन्जिला तुलाधर व किरण जोशी , म्येहालामि सिद्धार्थ बज्राचार्य व रेजिना बज्राचार्य, म्येया च्वमि प्रकाश दिप श्रेष्ठ , लय चिनादीम्ह सुरेन्द्र श्रेष्ठ, थ्व भिडियो या निर्देशक विश्वास बज्राचार्य , हुलाप्याखं स्यनामि राजिप बज्राचार्य, समाः पुजा शाहीपिन्सं नं थःथःगु नुगःखँ तयादीगु खः ।
सिद्धार्थ बज्राचार्य व रेजिना बज्राचार्यं हालादीगु थ्व म्येया च्वमि प्रकाश दिप श्रेष्ठ खःसा लय चिनादीम्ह सुरेन्द्र श्रेष्ठं खः ।थ्व भिडियो या निर्देशक विश्वास बज्राचार्य , हुलाप्याखं स्यनामि राजिप बज्राचार्य, समाः पुजा शाही ,सह निर्देशक मन्जिल शाक्य , छ्याय्फ्वायकःमि अक्रिस्ट शाक्य, क्यामेरा अभिषेक शाक्य, मूकिपालुमि बिजनराज बज्राचार्य खः ।
