संचारकःमि एवं डक्युमेन्ट्री मेकर विराजकाजी राजाेपाध्याय् शर्मा नेवाः फिल्म सोसाइटीया न्हुगु नायाे कथं सर्वसम्मत रूपं ल्यःगु दु । न्हूगु ज्यासना पुचलय् न्वकु दर्शनबीर शाक्य, मूछ्यान्जे आभास राजोपाध्याययात ल्यःगु खः। छ्यान्जे रोहन श्रेष्ठ, दाँभरीं सुनिता श्रेष्ठया नापनापं खुम्ह दुजलय रुपेन्द्रकुमार श्रेष्ठ, राजन शाही, राकेश प्रधानाङ्ग, बिशाल राजभण्डारी, कृष्णशोभा महर्जन व रोजिना सुवालयात ल्यःगु खः ।
उलेज्या ज्याझ्वः सोसाइटीया नायः लुजः सिंहया सभानायसुइ जुगु खःसा ज्याझ्वलय् आदिबासी जनजाति चलचित्र महासंघया नायः अमृत सुनवार मूपाहाँ कथं झायादीगु खः। गिफ्ट बुटिकय् जुगु सोसाईटीया च्वाक्वःगु साधारण सभा व निक्वःगु अधिवेशनं बिराजकाजी राजोपाध्याय यात नायः पदय् सर्वसम्मतं ल्यःगु खः । न्हूगु नेतृत्वय् ११म्ह दुजः दुगु न्हूगु ज्यासना पुचः नं सर्वसम्मतं ल्यःगु खः। विशेष पाहाँ कथं सिने पत्रकार विजयरत्न तुलाधर, थाईल्याण्डया निंतिं नेपाःया पर्यटन दुत चिरन शाक्य झायादिगु खः ।
