येँ १३ वडाया पूर्व वडा सदस्य एवं समाजसेवी दिलबहादुर मानन्धरया पुत्र द्वय राजु मानन्धरया च्वसा व सज्जु मानन्धरया सःया जुगलबन्दिइ संगीतकार व एरेन्जर जुगल डंगाेलया न्हूगु म्ये ख्वाः छंगु गुलि बांला म्येया भिडियाेया प्रिमियर यलया एम्बियन्स ३६५ रेष्टुरेन्टय् जुल ।
रेडियो संचारकःमि एवं कलाकार राजेन्द्र डंगोलया निर्देशनय् पिदंगु थुगु म्येय् बिन्दे महर्जन व बर्षा महर्जनया अभिनय दु । थुगु भिडियोया सम्पादन सुनिल कृष्ण ताम्राकारं याःगु खःसा छायाँकन नं राजेन्द्र डंगोलं हे यागु खः ।
म्युजिक भिडियो पितब्वज्याय् भिडियोया समालोचना पेज थ्री पत्रिकाया सम्पादक दर्शनबीर शाक्यं यागु खः ।
नेपालभाषाया वरिष्ठ सिनेपत्रकार विजयरत्न असंबरें थ्व म्युजिक भिडियो पुचःयात भिन्तुना देछाना दिल । थाैंकन्हे अष्ट्रेलियाय् च्वनादीम्ह म्ये च्वमि राजु मानन्धरं भर्चुअल रूपं ज्याझ्वःलय् थःगु नुगःखँ तयादिल ।
