कलाकार, निर्देशक, निर्माता, गायीका लिसें अनेकाैं मनाेरंजनया साधन पाखें झीत न्ह्यइपुकाच्वंम्ह पल्पसा डंगाेलया निगलं किड्नी फेल जुयाः अस्पतालय् वासः याकाच्वंगु दु ।
वय्कयाः तःधिम्ह म्ह्याय् लुनिभा डंगाेल कथं थः मां पल्पसा डंगाेलया आ किड्नी ट्रान्सप्लान्ट यायेगु हे बिकल्प जक ल्यंदनि धकाः पेजथ्रीयात जानकारी ब्यूगु दु ।
पल्पसा डंगाेलया आ भारइल जूगु किपा लिसें छगू युट्युब च्यानलया भिडियाेलय् थः न्ह्याथे यानानं थः निम्ह म्हयाय् पिनिगु निंतिं अझं छुं याये मानी धैगु इच्छा व्यक्त यानाच्वंगु दुसा न्हूगु किड्नी छगः न्ह्याथे याना सां मिलेयाना ब्यू धकाः अपिल यानाच्वंगु दु ।
लिसें उगु हे भिडियाेलय् आर्थिक ग्वाहलिया अपिल नं यानातःगु दु ।
थुगु ल्वये ५ दँ पुलांगु जुइ धुंकुसां सुँ पासापिंत तकं कनामतःगु जुयाच्वन । तर आकाझाकां ल्यंगु छगः किड्नी नं फेल जुइवं पल्पसा डंगाेलं थः आ लाचार जुल धकाः व्यक्त यानाच्वंगु दु ।
निम्ह म्ह्याय्पिंत थः याकचां पल्पसा डंगाेलं ब्वलंकाच्वंगु खः ।
