नेपालभासा संगीत ख्यलय् तसकं सकृय रुपं न्ह्यचिलाच्वंम्ह ज्याक महर्जन व केशव महर्जन न्हूगु हिपहप ¥याप जनरया म्ये दां त्याना जुसां ब्याहा यायेमाः पिदंगु दु । व्यंगात्मक शैलिं दुथ्याकातःगु थुगु म्ये केशव महर्जनया ख्याः प्याखँ पाखें कयातःगु खः । केशव महर्जनं थुकी ज्याक महर्जनयात सःलय् साथ नं बियाच्वंगु दु । गायन लिसें संगीतनं ज्याक महर्जनं हे थःगु क्षमता न्ह्यब्वःगु खःसा थुगु म्येया ऐरेन्ज भुपेन्द्र बज्राचार्यं यानादीगु खः । थुगु म्येया मिक्सिं पवन बज्राचार्यं यानातःगु दु ।
गायन व संगीत लिसें ज्याक महर्जनं थुकी अभिनय बःचाहाकलं न्ह्यब्वयातःगु दु । रुक्साना महर्जन लिसें सनिश डंगाेलया कलाकार कथं थुकी दु । ज्या जि मदुम्ह मिजं मचां बौयात पिरेयाना दां त्याना खर्चयाइगु व ध्यबा पुले मफइगु इलय् ध्यका वसूल याः वइगु बाखँ थुकी दुथ्यानाच्वंगु दु ।
