नेपालभासा संकिपाः ख्यःया नांजाम्ह कलाकार एवं नेपाः न्यंक हे लाेकं ह्वाःम्ह कलाकार पल्पसा डंगाेलयात जँलास्येँ समस्या वयाः अस्पताल भर्ना यानातःगु दु।
पल्पसा डंगाेलया तःधिम्ह म्ह्याय् लुनिभाः डंगाेल लिसे खँ जू कथं पल्पसा डंगाेलया किड्नी सम्बन्धी ल्वय् न्हापां निसें जुयाःच्वंगु व खान पानय् तसकं हे ध्यान तयाच्वंगु खः । तर नं आकाझाकां किड्नी समस्याः वया अस्पताल हे भर्ना याये माःगु दु ।
आ वय्कयात टिचिंग अस्पतालय् भर्ना यानातःगु जानकारी नं ब्यूगु खःसा डाय्लासिस् यानाच्वंगु खबर नं लुनिभाः डंगाेलं ब्यूगु दु ।
पल्पसा डंगाेल ताः इ न्ह्याे निसें मनाेरंजन क्षत्रय् संलग्न जुयाच्वंनादीगु खःसा बुद्धकालीन एतिहासिक सँकिपा घाेषक पिदनेत तयार जुइधुंकुगु दु ।
वय्कया भिंउसाँय्या कामना याना ।
