नेपालभासाया संगीत ख्यःया लोकंह्वाःम्ह म्ये हालामि दीपाः महर्जनयात पितृशोक जूगु दु । दीपा महर्जनया अबु दिपक महर्जन वासः याकुयाकुं आकाझाकां मन्त । जँलास्येँया ल्वचं कयाः डाइलासिस याकाच्वंगु नं खःसा छुं ई न्ह्यो मफयेका अस्पतालय् वासः याकुयाकुं वुद्धबाः मन्त । वय्कया अन्त्यष्टि नं वुद्धबाः हे क्वचाःगु खः ।
मदुम्ह दिपक महर्जन नं छम्ह कलाकार कथं हे सकस्यां म्हस्युम्ह व्यक्तित्व खः । न्हापा किपूलिइ जुइगु सांस्कृतिक ज्याझ्वलय् छम्ह गीतार वादक कथं सकस्यां खनाच्वंम्ह खः । मदुम्ह दिपक महर्जनया जहानलिसें काय् व म्ह्याय् दु ।
दीपा महर्जनं छुं दँ न्ह्यो मेलोडी क्वीनया नामं छगू ज्याझ्वः याक एण्ड यती होटलय् याःगु खःसा लिपांगु पेजथ्री पिपल्स च्वइस अवार्डय् उत्कृष्ट मिसा सः नं त्याकादीगु खः ।
