पेजथ्री बाःछिपाैया व्यवस्थापक दुजः एवं नेवाः पत्रकार राष्ट्रिय दबू, येँ कचाया नायाे अर्विन्द्र मान सिंहयात मातृशाेक जूगु दु । वय्कया मां इन्द्रमाया सिंह नीन्हु न्ह्यः निसेंं म्हं मफयेवं सामाखुशी स्थित विनायक हस्पितलय् वासः याकाच्वंगु खः । तर थाैं सुथय् १०ः३० ति बजे वासः याकु याकुं मदुगु खः।
६६दँय् मत्यवं मदुम्ह इन्द्रमाया सिंहया परिवारय् जहान नाति मान सिंह, काय् निम्ह व भाैं निम्ह दु । मदुम्ह इन्द्रमाया सिंहया अन्त्यस्ती थाैं हे सुथय् पशुपतिइ जुइ धुंकुगु दु ।
मदुम्ह इन्द्रमाया सिंह सुखावती भुवनय् बासं लायेमा ।
