वरिष्ठ म्ये हालामि एवं संगीतकार स्वयम्भुराज शाक्य कोरोना संक्रमणया कारण मन्त। छुं ई न्ह्यो कोरोनाया लक्षण खनेदुगुलिं अस्पतालय् भर्ना जुयादीगु खः । वय्क विपि स्मृति अस्पतालय् वासः याकाच्वनादीगु खः ।
संचारकःमि सुरजवीर बज्राचार्यया कथं छुं ई न्ह्यः हे तिनि दिवंगत स्वयम्भुराज शाक्यलिसे जूगु संवाद कथं वय्कया स्वास्थ्य सुधार जुयाच्वंगु खँ वय्कलं जानकारी बियादीगु खःसां आकाझाकां हे आइसीयुलय् तयेयंके माःगु खवर वगु व भ्यान्टिलेटरय् तयेगु कुतः यायां हे वय्क मदुगु खँ कनादीगु दु ।
नेपालभासाया संगीत ख्यलय् वय्कयाः अतुलनीय योगदान दु । वय्कलं पेजथ्री पिपल्स अवार्ड ११३०य् उत्कृष्ट ज्वः म्येया अवार्ड नं त्याकादी धुंकुगु दु । वयक कलाकार परिषदया संस्थापक नायः, नेपाः ग्वहालि पुचः हःखा व हःखा टोल सुधार संघया सल्लाहकार नं जुयादी ।
