एरोन महर्जनया सःलय् यःमां…म्येया म्यूजिक भिडियो पिदंगु दु । एरोन महर्जनया नामं यूट्युब च्यानलय् थुगु म्ये अपलाेड यानातःगु दु ।
एरोन महर्जनया सलं पिदंगु थुगु म्ये भुवन महर्जनया च्वसां व संगीत दु । थुगु भिडियो योवन शाक्यं निर्देशन व सम्पादन यागु खःसा रक्की महर्जनं छायांकन यागु खः । भिडियोलय् स्वयं एरोन महर्जनलिसें सरीता बज्राचार्य, मचा कलाकार सदीक्षा बज्राचार्य व किपाः श्रेष्ठं अभिनय यानातःगु दु । रोजा मानन्धरं थुकी मेकअप यागु खः।
ने.सं. ११४१ चौलाथ्व अष्टमी कुन्हु किपूया होटल हिलसाइडय् किपू नगरपालिकाया उपमेयर सरस्वती खड्का रिजालया उपस्थीतिइ प्रिमियर याःगु खः।
