निर्देशक रामकृष्ण खडगीया न्हूगु म्युजिक भिडियाे भ्वासि जुयाःया प्रिमियर यल पूच्वः स्थीत एम्बियन्स ३६५य् जुल । लाेकंह्वाःम्ह कलाकार रूपेन्द्र श्रेष्ठ थक्वाःमि लिसें नेपालभासा मनाेरंजन ख्यलय् डेब्यू यानादीम्ह माेडल मुस्कान राजभण्डारीया अभिनय थुकी दु ।
दच्छी न्ह्यःया लकडाउनया कारणा सांगीतिक ख्यलय् हाकनं पलाः न्ह्याकादीम्ह सुमन श्रेष्ठ मुनां हालादीगु थुगु म्ये हालादीगु खःसा थुगु म्ये वय्कया जहान रविन श्रेष्ठं न्ह्यब्वयादीगु खःसा ज्याझ्वलय् लसकुस नं वय्कलं हे यानादीगु खः ।
भ्वासि जुया बोलया म्येया चन्देश्वर महर्जनं च्वयादीगु खःसा थुगु म्येया संगीतकार सुरेन्द्र श्रेष्ठ खः, अले संगीत संयाेजक जीवित जल्मी खः ।
भिडियाेया छायाँकन रकि महर्जनं यागु खःसा सम्पादन बालकृष्ण बंशी याःगु खः ।
विशेष पाहाँ कथं वरिष्ठ संगीतकार अमरराज शर्मा राजोपाध्यायं म्येया भाव क्लायसिकल जूगु तर थाैंकन्हेया परिवेश कथं भिजुअल मजुसे भचा पुलां हे पह वल धकाः थःगु नुगः खँ तयादील ।
पाहाँ रमना श्रेष्ठं गायिका सुमन श्रेष्ठ नेवाः संगीतख्यःया छम्ह बाँलाम्ह प्रतिभा कथं न्ह्यां वनेगु संभावना दुम्ह खः धकाः हपाः बियादिल ।
वरिष्ठ सिने पत्रकार विजयरत्न असंबरें सुमन श्रेष्ठया सःया तारिपफ यानादीलसा न्हूम्ह मोडल मुस्कान राजभण्डारीं थ्व ख्यलय् थःगु पलाः क्वातुके फइगु सम्भावना कनादील ।
ज्याझ्वः प्रमिला मानन्धरं न्ह्याकादीगु खः ।
