नेपालभासाया संकिपा छखें ला निर्माण जुइ हे थाकु । निर्माण हे जुसां नं क्यने थाकु । थज्याेगु हे परिस्थीतिइ नेपालभासाया बुद्धकालीन एतिहासिक घटनाय् तयार जूगु संकिपाः चण्डालिका निर्माण जूगु निगू दशक लिपाः अाः वया युट्रयुबय् पिदंगु दु ।
बौद्ध फिल्म प्रोडक्शन् प्रा.लि.या देछा, बौद्ध बाखंया लिधंसाय् ऐतिहासिक संकिपा चाण्डालिकाया मू भुमिकाय् हिराशाेभा महर्जन हिसिला व स्वयम्भु रत्न शाक्यया मू भुमिका दु । मनिष कुमार श्रेष्ठया निर्देशनय् तयार जूगु थुगु प्याखँ दशकाैं दशकतक स्वकुमिपिंसं स्वये मदया अाय्बुयाच्वंगु संकिपा खः ।
प्याखनय् मेमेपिं कलाकार कथं थुकि नारायणदेवी प्रधान, शुभद्रा अधिकारी, मनिषकुमार श्रेष्ठ, रेखा अधिकारी, मदनकृष्ण श्रेष्ठ, हरिवंश आचार्य, सनमकुमार वैराग, भारती श्रेष्ठ, अमिता ताम्राकार, अन्नपूर्णेश्वरी श्रेष्ठ, पल्पसा डङ्गोल, वीना शाही, पवन जोशी अादी दु ।
प्याखँया निर्माता ध्रुव रत्न शाक्य व धर्म वहादुर शाक्य खः ।
