सामाजिक संजाल तसकं हे ग्यानापु । सिइपिंन्त म्वाकाबिइ अले म्वाः पिन्त नं मदयेका बिइ । नेपाली कांग्रेसया नेता श्री नविन्द्रराज जोशीया स्वास्थ्ययात कयाः सामाजिक संजालय् वयाच्वंगु समाचार प्रति सकलस्यां च्यूता तयेमाःगु अवस्था दु । फेसबुकया समाचारयात हे कपि पेष्ट यानां ब्रेकिंग न्यूज बिइ झी तसक न्ह्यां तर व समाचार सत्य खः वा मखु धकाः तकं झीसं बिचाः याइ मखु । छम्ह उसाँय् मदया मफयेकाः वासः यानाच्वंम्ह मनूयात अथें मन्त धकाः कपोकल्पित समाचार म्हिगः बहनी निसें भाइरल जूगु दु ।
थुगु समाचार यात पत्रकारं जक मखुसें, राजनैतिक कार्यकर्ता व राजनैतिक व्यक्तित्व पिंसं तकं प्राथमिकता बियाः श्रद्धाञ्जली देछानातःगु खः तर नविन्द्रराज जोशी आधिकारीक फेसबुक पाखें छगू सुचं प्रकाशित जूगु दु । कि वयेकःया अझं नं उपचारया क्रमय् भेन्टिलेटरय तयाःतःगु दनिं । छुं चमत्कार जुइला धकाः सकले आशावादी जुयाच्वंगु दनिं ।
वासः यानाच्वंगु थासं छुं आधिकारीक जानकारी मवःनिं । उकिं न्ह्याथाय् नं क्वखं न्हाय्पं यंकल धायेवं ल्यू ल्यू व्वाँय मवने ।
