संगीत महर्षि नातिकाजिया ९६ औं जन्मजयन्तीया अवसरय् नातिकाजि सम्मान व सिरपा राष्ट्रपति भवन शितल निवासय्, राष्ट्रपति विद्यादेवी भण्डारीं नातिकाजि सम्मान व सिरपा लःल्हात ।
राष्ट्रपति विद्या भण्डारी पाखें बरिष्ठ वाद्यवादक नोर्बु छिरिङ्गयात नातिकाजि राष्ट्रिय विशिष्ट स्रष्टा सम्मान २०७६ देछाःगु खः। बरिष्ठ म्येच्वमि एवं समाजसेवी बालकृष्ण ‘सजीव’, म्येच्वमि सुरेन्द्र राना, बाद्यबादक राजु अग्रवाल, म्येच्वमि सुनिल मास्के, संगीतकार राजु सिंह, म्येहालामि मदनसिंह नेपाली, संगीतकार मनोहर सुनाम, संगीतकार शान्तिराम राई, म्येच्वमि चुडामणि देवकोटा व संगीतकार महेश खड्कायात नातिकाजि राष्ट्रिय विशेष सङ्गीत सम्मान–२०७६ देछाःगु खः।
सिरपा पाखे प्राश्ना शाक्य, चेतन सापकोटा, सुगम पोखरेल व दयाराम पाण्डेयात नातिकाजि राष्ट्रिय सङ्गीत पुरस्कार–२०७६ लःल्हाःगु खः । मेलिना राई, वसन्त सापकोटा, सुरज थापा व हर्क साउदयात नातिकाजि राष्ट्रिय प्रतिभा पुरस्कार–२०७६ लःल्हाःगु खः । नेपालभासा ख्यःया नांजाःम्ह संगीत संयोजक जीवित जल्मियात नातिकाजि राष्ट्रिय सङ्गीत संयोजक तथा वाद्य पुरस्कार–२०७६ लः ल्हाःगु खः। विकासनाथ योगीयात नातिकाजि राष्ट्रिय शास्त्रीय सङ्गीत पुरस्कार–२०७६, बद्री पंगेनीयात नातिकाजि राष्ट्रिय लोक सङ्गीत पुरस्कार–२०७६ नं लःल्हाःगु खः। निम्ह पत्रकार विदुर गिरी व श्याम स्मृतयात नं नातिकाजि राष्ट्रिय कला पत्रकारिता पुरस्कार–२०७६ लःल्हाःगु खः। पत्रकार विदुर गिरी कामना मासिकया सम्पादक व नेपाल समाचारपत्रया समाचार सम्पादक खःसा, श्याम स्मृत नामी साप्ताहिकया सम्पादक लिसें भिजन संसार डटकमया समाचार सम्पादक खः।
