ताः इ निसें सास्त्रीय संगीत अध्ययन यानाच्वनादीम्ह सुमित्रा महर्जनं हाकनं छक्व नेपालभासाया म्ये ज्वनाः वःगु दु । विरेन्द्र महर्जन लिसे ज्वः म्ये कथं जुल रे जुल हाःगु खःसा थुगु म्ये चण्डेश्वर महर्जनं च्वःगु व सुरेन्द्र श्रेष्ठं लसय् हंगु खः।
कलानिधी ईन्दिरा संगीत महाविद्यालयया धनबहादुर गोपाली मूपाहाँ कथं झायादीगु उगु ज्याझ्वलय् वरिष्ठ सिने पत्रकार विजयरत्न असंबरें समीक्षा याना दिल । भिडियोया निर्देशन रामकृष्ण खड्गी व निर्माण ओमप्रकाश महर्जनं यानादीगु खःसा कलाकार कथं रुपेन्द्र श्रेष्ठ व रजनी खड्गीं अभिनय यानातःगु दु । भिडियो छायांकन रकी महर्जन, सम्पादन बालकृष्ण वंशीं यानादीगु खःसा उमिशा पाण्डें मेकपया ज्या याना दीगु खः ।
ज्याझ्वःलय् पाहां कथं वरिष्ठ म्येहालामि संगीता शाक्यं नं थःगु नुगः खँ तयादीगु खः सा सुमित्रा महर्जनया मां बसुदेवी व बा बेखानारायण महर्जन या सभापतित्वय् जूगु खः ।
