एम्स इन्टरटेन्मेन्ट प्रा लिया प्यक्वगु दँ मुज्यां चयन जूगु न्हूगु कार्य समितिया छगू परिचयात्मक ज्याझ्वः लिसें थुगु कार्यसमितिया न्हापांगु ज्याझ्वः कथं एम्स आर्टिस्ट फुटसलया घोषणा याःगु दु । वइगु २०७७–१९–२९ गते थुगु मैत्रीपूर्ण फुटसल कासाया जुइ धकाः संस्थाया न्हूम्ह अध्यक्ष सुरेन्द्र महर्जन ताप्ख्यमिं जानकारी बियादिल । कोभिडया कारणं वंगु ११ महिना निसें आर्थिक, सामाजिक व मानसिक तनाव कलाकारपिंसं फयाच्वनेमाःगुलिं कलाकारपिंत रिफ्रेशमेन्ट बिइगु लिसें कलाकार दथुया स्वापू क्वातुकेगु ताःतुना खः धकाः प्रेस बिज्ञप्तीइ उल्लेख यानातःगु दु ।
चन्दागिरी नगरपालिका स्थीत वडा नं ९या मत्स्य रिक्रियशन सेन्टरय् थुगु कासा यायेत्यंगु खःसा थुकिया समापन ज्याझ्वः धाःसा चैत्र १४ गते चोभारया मंजुश्री पार्कय् यायेत्यंगु खः । ज्याझ्वःया दौरान प्रत्रकार पाखें वःगु न्ह्यसः कथं कलाकार घाःपाः जुसा छुयायेगु धैगुया लिसः ब्यूसें महासचिव राजी महर्जनं यदि कलाकर कासा म्हिता छुं कथं घाःपाः जुल धाःसा नं फस्ट एडया पूर्ण व्यवस्था लिसें एम्बुलेन्सया तयारी दइगु खँ नं कनादिल ।
पत्रकार सम्मेलन मार्फत हे टिमया क्याप्टेनपिनिगु घाेषणा कथं धिरेन शाक्य, सुरेन्द्र मानन्धर, भिम तुलाधर, राजेन्द्रमान शाक्य, कृष्णभक्त महर्जन, भाइकाजी महर्जन, पवन जोशी, मणिराज लवटयाना मुक्कं ८गु टिम व पल्पसा डंगोल, हिसिला महर्जन, मञ्जु श्रेष्ठ र सरस्वती मानन्धर याना मिसा पाखेंया टिम क्याप्टेन पिनिगु घाेषणा याःगु खः ।
