स्वीदँ फुनां स्वीछदँ क्यंगु लसताय् जगत सुन्दर ब्वनेकुथिइ छगू ज्याझ्वः याना हन । स्वी छदँ क्यंगु लसताय् स्कुलय् आर्ट कम्पिटिशन नं याःगु खः । दँय् दसँ स्कुलय् बुदिंया लसताय् तःजिक हे ज्याझ्वः याना वयाच्वंगु खःसा काेराेनाया प्रभावया कारण स्कुल दुने सिमित मनू दुने स्कुल दुने याये माःगु खँ स्कुलया प्रिन्सिपल सुनिता मानन्धरं कनादिल ।
येँ महानगरपालिकाया प्रवक्ता एवं येँ महानगरपालिका १५ वडाया वडा अधक्ष्य ईश्वरमान डंगोल मू पाहांकथं झायादीगु खः । ज्यााझ्वलय् ब्वनेकुथिया संचालक दुजः कथं प्रा.डा चुन्दा बज्राचार्य, अमेश बज्राचार्य, राजभाई जकःमिपिन्स भिंतुना देछानादीगु खः । जगत सुन्दर ब्वनेकुथिइ नीन्यादँ तक्क मदिक्क सेवाःयानादिइपिं लेखापाल विजयरत्न बज्राचार्य व शिक्षिका रमिता मालाकारयात दोसल्लां न्ययेका हंगु खःसा आर्ट कम्पिटिशनय् न्हाप लाःम्ह रवि श्रेष्ठ, ल्यु लाःम्ह खुशी विश्वकर्मा व लियांल्यु लाम्ह सलिना महर्जनयात दसिपौ नं लःल्हागु खः । ज्याझ्वः संस्थापक दुजः अनाररत्न बज्राचार्यया अध्यक्षताय् जुगु खः।
