यल महानगरपालिका व सत्यमोहन जोशी वृत्तचित्र निर्माण पुचःया मंकाः ग्वसालय् “म्वानाच्वंगु इतिहास वाङ्गमय शताब्दी पुरुष डा. सत्यमोहन जोशी” नांया डक्युमेन्ट्री यलया सातोआकी स्मृति भवनय् जुल । वृत्तचित्र निर्माण पुचःया नायः डा. पुष्पराज राजकर्णिकारया सभानायःसुइ जूगु खः ।
ज्याझ्वलय् विशेष पाहाँ कथं वाङ्गमय शताब्दी पुरुष सत्यमोहन जोशीया नं ब्वति दुगु खःसा मूपाहाँ कथं यल महानगरपालिकाया मेयर चिरीबाबु महर्जन झायादीगु खः । डकुमेण्ट्री दयेकेत आर्थिक ग्वाहालि यानादीपिं मोतिलाल शिल्पकार, डा. सुमित्रा मानन्धर, यज्ञरत्न धाख्वाः, कैलाशभक्त प्रधानाङ्ग, लक्ष्मीदास मानन्धर, नेवाः देय दबू, नेपालभाषा एकेडेमीयात सुभाय् देछाःगु खः ।
डकुमेण्ट्री निर्माण पुचःया दुजः शाक्य सुरेनं लसकुस यानादीगु खः । ज्याझ्वलय् मूपाहाँ कथं यल महानगरपालिकाया मेयर चिरिबाबु महर्जन झायादीगु खःसा सभानायः डा. पुष्पराज राजकर्णिकारं डकुमेण्ट्रीयात कयाः नुगःखँ तयादीगु खः । निर्माण पुचःया दुजः पाखें सुनिता राजभण्डारीं सुभाय् देछानादील ।
