साहित्यकार एवं कलाकार रेवन्तलाल श्रेष्ठ छम्ह म्येहालामि कथं नं दँ वःगु दु । ह्याउँ ख्वाः मिसा म्ये मार्फत म्ये हालामि रेवन्तलाल श्रेष्ठं गायनय् क्षत्रय् पलाः तयादीगु खःसा थुगु म्येया च्वमि व लय् चिनामि विष्णु जल्मि खः अले बाजं ग्वसाः जिवित जल्मिं यानादीगु खः ।
वरिष्ठ म्येहालामि जुजुकाजि रन्जित मूपाहाँ जुयाः झायादीगु खःसा बरिष्ठ सिने पत्रकार विजयरत्न असंबरें पितब्वज्या जुउगु म्येया समीक्षा यानादिगु खः ।
ज्याझ्वलय् म्येया परिकल्पनाकार व निर्देशक सुरेन्द्र मानन्धरं लसकुस यागु खःसा नेवाः पत्रकार राष्ट्रिय दबूया नायः सुरजबीर बज्राचार्यं नं भिन्तुना बियादीगु खः।
म्येहालामि रेवन्तलाल श्रेष्ठं हे मू भूमिका म्हितातःगु थ्व म्येय् रबिता बके श्रेष्ठ, सना शाक्य, सुरेश मानन्धर, दिब्यरत्न बज्राचार्य, लक्ष्मीनाथ मदगलिया व सुरेन्द्र मानन्धरं अभिनय यानातःगु दु । आयुष महर्जनं छायाँकन व सम्पादन इन्द्र मानन्धरं यानातःगु खः ।
