पेजथ्री बाःछिपाैया ग्वसालय् जूगु बुदिंया म्येकासा उत्कृष्ट ५य दुथ्याम्ह मुकेश शाक्यया म्ये छंगु हे खँ ला खः.. म्येया भिजुअल पिदंगु दु । उत्कृष्ट ५या म्येचाः सिरपालय् दुथ्यानाच्वंगु थुगु म्ये पेजथ्री बाःछिपाैया सम्पादक दर्शनवीर शाक्यं च्वयातःगु खःसा म्येया संगीत एवं संगीत संयाेजन जुगल डंगाेलं यानातःगु खः ।
बिजन बज्राचार्यया क्यामेरा व मंजिल शाक्यया सह निर्देशनय् तयार जूगु थुगु म्येया सम्पादन आकृष्ट शाक्यं याःगु खःसा छायाँकन अभिषेक शाक्यं याःगु खः । थुगु भिडियाेया परिकल्पना एवं निर्देशन विश्वास बज्राचार्यं याःगु खः ।
थुगु भिडियाेलय् रन्जना सितिखु, अमोघवीर बज्राचार्य, मंजिल शाक्य, सुजाता शाक्य, कृष्णशोभा उलक, जेनेन्द्र शाक्य, साजन शाक्य, दृष्टि शाक्यपिं म्हिताच्वंगु दु ।
